Esku artean daukazun Astrolabio hau saiakera literario bat da, eta lau artikulu biltzen ditu; lehengo hiruretan egileak, irakurlea den aldetik eta itzultzailea den aldetik metaturiko esperientziak lagun, nola halako bidezido-rrak bilatu nahi ditu letren oihanean, gustuko idazleen eta erreferentzien bitartez, inork literaturan jarduteko eduki ditzakeen arrazoiak eta literaturan egoteko bere koordenadak errepasatzeko asmoz. Artikuluok itzulpenak guretzat daukan garrantzia agerian uzten dute, eta zeharka izan arren, intentzio literarioaz egindako itzulpen-antologia partzialen aldeko aldarria dela esan genezake, baita ere.

Laugarren artikulua gure sistema literarioaren zenbait alderdi aztertzen dira, zeharka, alderaketaz, gai horretarako hurbilpen xume bat eginez, jakinik munduan distantziak laburtzen ari direla, eta beraz ez dela faltako bizia barkatuko dion kritikari posmodernorik, AEBetako unibertsitateetatik etorria, edo urrutiagotik ausaz.

----

JON ALONSO (1958)

Iruñekoa, itzultzailea ogibidez. Hau da argitaratzen duen zortzigarren liburua. Saiakera, nobela, ipuina eta artikulugintza landu ditu, batez ere.

Bere liburuen artean, honako hauek nabarmentzen ahal ditugu:

Katebegi galdua (Susa, 1995)

Camembert helburu (Susa, 1998)

Agur Darwin (Pamiela, 2001)

Hodei berdeak (Susa, 2003)

Erretzaileen eremua (Susa, 2006).